HAUR HEZKUNTZA GARAIKO OROITZAPENAK II

Planteatutako galderak taldekide bakoitzak aukeratutako objektuaren arabera erantzun ditu. taldean atera diren objektuak; uztailak, albuma, karpeta eta lazitoa izan dira. Lau objektuak lotuta hausnarketa hau lortu dugu.

Metodologiari dagokionez, irakasle bakoitzak metodologia desberdinak erabiltzen dituela konturatu gara. Adibidez, psikomotrizitate gelan irakasle batek jolasen bidezko metodologia erabili dezake, esate baterako, 
armiarma jolasaren bidez  lankidetza eta baloreak landuko lituzke eta beste batek objektuen bidezko metodologia, hala nola, koltxoneta, uztaila…   erabiliz gorputzeko garapena landuko luke. Metodologia hauek ondo atera daitezen oso garrantzitsua da, haurrak prestatuak egotea, adibidez, lazitoak ilean jarriz elementuak ondo ikusteko.

Ebaluaketa metodologiak bezala, anitzak izan daitezke eskola eta irakasleen arabera, baina ezberdintasunak ez dira hain nabariak izaten. Haur-eskolan irakasleak egunero ebaluatzen ziguten, eta egunerokoan egun horretan izandako jarrera, arazo eta burututako jarduerak adierazten zituzten. Haur Hezkuntzan, aldiz, ebaluaketa bestelakoa zen, hiru hilabete bukaeran irakasleak idatzitako txosten batean zetzan ebaluaketa hori  etxera eramaten genuen, gurasoek gure garapenaren berri izateko.

Haur Hezkuntzan baliabide material asko aurkitzea oso ohikoa da. Bertako haurrak, denbora guztian material ezberdinak lantzen dituzte  eta gela bakoitza ( musika gela, psikomotrizitate gela, plastika gela, … ) egokiak diren objektuez eta materialez osatuak daude. 

Bakoitzaren lana landu ondoren, konturatu gara gelen antolaketak oso antzekoak direla. Gela gehienak, argitsuak, koloredunak, paretak ikasleen lanekin apainduak, lurrean esertzeko alfonbrak, mahaia eta aulki txikia haurrei egokitua, gela txokotan banatua... Ikasleria zerrenda bitartez antolatzen zen eta taldeak ez ziren 20 haur baino gehiagokoak izaten eta behar izanez gero taldea bi zatitan banatzen zen.

Haurrek hezkuntzarekin duten lehen lotura Haur Hezkuntza izaten da. Gainera,  bizitzarako ezinbesteko diren gauzak ikasi ditugu, gaur egun oraindik erabiltzen ditugunak, hots, komunikazioa, baloreak, eta geroago beste ikaskuntza mailetan behar izango ditugun oinarrizko gauzak; irakurtzea, zenbakiak ...  Dena den objektu hauek aztertzean izaera guztiz didaktikoa dutela konturatu gara. Orain konturatu gara,  txikitan guretzat objektu sinple bat zena, funtzio bat baino gehiago betetzen dituela. Nahiz eta begi bistaz objektu batek funtzio bakar bat izan, lortzen ditugun helburuak anitzak  dira ( curriculum ezkutua).